TYB-nyň BKB-niň ýarym ýyllyk ýygnagy
2024-nji ýylyň 22-nji iýunynda Türkmenistanyň Ykdysatçylar birleşmesiniň (TYB) edara binasynda TYB-nyň Baha kesijiler bölüminiň agzalarynyň gatnaşmagynda ýarym ýyllyk umumy ýygnagy geçirildi. Däp bolşy ýaly, ýygnak TYB-nyň ýolbaşçysy Aronskiý Ýu.A. tarapyndan açyldy. Soňra bolsa ýygnakda 2024-nji ýylyň birinji ýarymynda geçirilen işleriň netijeleri jemlendi:
Ýygnagyň iş tertibi:
1. TYB-nyň BKB-niň iş soraglary:
- 2024-nji ýylyň 1-nji ýarymynda bölümiň işleri.
- Türki döwletleriň baha kesijiler birleşmeleriniň 2-nji halkara forumynyň netijeleri
- Prezentasiýa: Türki döwletleriň baha kesijiler birleşmeleriniň 3-nji halkara forumy
- TYB-nyň BKB-niň ýolbaşçysyna degişli soraglar
2. Maşynlara we Enjamlara şeýle hem Ulag serişdelerine baha kesmek hakyndaky hasabatyň birmeňzeş görnüşini ara alyp maslahatlaşmak we tassyklamak - TYB-nyň BKB-niň Bilermenler geňeşi
3. TYB-nyň BKB-niň guramaçylyk meseleleri we 2024-nji ýylyň 2-nji ýarymy üçin iş meýilnamasy
Duşuşygyň esasy wakasy TYB-nyň BKB-niň täze ýolbaşçysynyň bellenilmegi boldy. Öň TYB-nyň BKB-niň Bilermenler geňeşiniň ýolbaşçysy bolan Woýewodina N.Ýe. bu wezipä biragyzdan saýlanyldy. Şeýle hem, Bilermenler geňeşindäki boş oruny doldurmak üçin M.Hojiýew biragyzdan saýlandy.
TYB-nyň Baha kesijiler bölümi, baha kesmek hyzmatlarynyň bazarynyň ösüşine aktiw gatnaşmagy we baha kesijileri okatmagy dowam etdirýär hem-de Türkmenistanda baha kesme işiniň halkara standartlara we tendensiýalara laýyk gelmegi üçin halkara guramalar bilen hyzmatdaşlyk edýär.